Campate in aria
Ormai è decisu: ‘u fannu!…‘U discursu è assodatu…
‘U dissi Signorili, e ‘u confirmau Ligatu!
Puru lu parlamentu dèssi l’approvazioni…
Lu fannu a ‘na campata: non c’è discussioni.
Menu i milli miliardi custa...vi pari assai?
I lavuri cumincianu intra a lu misi ‘i mai!…
Lu ponti supra ‘o Strittu quantu pisa, vali oru…
E quandu sarà prontu? Jornu d’u pummadoru!...
Il tunnel nello stretto
Nènti cchjiu ponti fra Messina e Riggiu!
Chi cosa sunnu ‘st’ americanati?
Cci sta già in California, a San Franciscu...
Cci volìmu imitari ‘u Golden Gati?
Pari chi non avimu fantasia!
Cci vòli geniu e originalitati!
Lassamu stari ‘u ponti, comu sia…
a unu, a ddui o a dudici campati!
Ccà cci vòli ‘nu tunnelli sutt’acqua…
sicuru, fundu, grossu e resistenti.
Gia è statu presentatu lu progettu…
e a realizzarlu non ci vòli nènti!
‘U fannu l’EMI IMI ENI IRI
cu ITALSTATTI e la TECNOMARI.
E’ divisu a calali, detti tubbi…
ed è ‘na cosa di meravigghjiari!
“E ‘i quanti tubbi si componi ‘u tunnelli?”
“E’ tuttu scrittu...Non ci sunnu dubbi.
Unu pè treni e ddui pè l’automobili…”
“Allura propriu nd’u fannu a tri tubbi!...”
Nessun commento:
Posta un commento